Konpainiak Instaman, Berotek, Gas Sella, Zubinor, AIG eta Pronor enpresen lana saritu du

Bilbo, 2018ko ekainaren 13a. Nortegasek bere urteko topaketa egin du enpresa instalatzaile kolaboratzaileekin, non 2017an lortutako emaitzak eta etorkizunean jarraitu beharreko estrategia aztertuko duten, gas-banatzaileak konpainia independente moduan hasi duen etapa berri honetan.

Nortegasek badaki zer nolako garrantzia duten berarekin kolaboratzen duten enpresa horiek egoitza duen hiru autonomia erkidegoetan, alegia, Euskadin, Asturiasen eta Kantabrian. Horregatik, urtero egiten du bilera beraiekin egoera eta garapen-estrategiak aztertzeko, eta aldi berean, hainbat sari ematen dizkie beren lana aintzatesteko. Hortaz, aurten Instaman, Berotek, Gas Sella, Zubinor, AIG eta Pronor enpresak saritu dituzte.

Oraingo honetan, topaketa Santanderren egin zen eta hiriko Gema Igual alkatea bertaratu zen, zeinak Nortegas zoriondu baitzuen enpresa birsortzeagatik eta eraldatzeagatik eta etorkizunaren aurrean bultzada berria emateagatik. Era berean, konpainiak gizartearekin duen inplikazioa nabarmendu zuen, baita konpainiaren enpresa-politika ere, “herritarrarengandik hurbil izateko” garatzen duena. Gainera, konpainia serioak izan behar ditugula adierazi zuen, zerbitzu bat emango dutenak, erabiltzaileak, bezeroak edo herritarrak pozik izan daitezen. “Nortegasek ezaugarri horiek biltzen ditu, eta horregatik, alkatea ongi-etorria ematera etorri da jardunaldi honetara bertaratu diren guztiei”.

Bestetik, Juan Ramón Arraibi, Nortegasko operazio-zuzendariak honako hau adierazi zuen: “une honetan konpainia aldatzen ari dela kontuan izanik, gure enpresa kolaboratzaileekin jardunaldi hau egitea bereziki garrantzitsua da, ezarri dugun ardatz nagusia hazkundea baita, eta ondorioz, haien lana, alde horretatik, funtsezkoa baita guretzat”.

“Azpiegiturak ditugun toki guztietan hasi nahi dugu eta hedapen-aukerak sortu merkatu berrietan”. Hain zuzen ere, gas naturala energia modura erabil dezaketen zerbitzuak aipatu zituen Arraibik. “Garrazioaz ari gara hitz egiten, non petrolioaren menpekoak diren eta gehiago kutsatzen duen erregaiak ordeztu behar diren, baita gasak energia berriztagarriei biometanoaren bidez egin diezaiekeen ekarpenaren aldeko apustua egin ere”, azaldu zuen.