Informazio erabilgarria

Gas-instalazioa eginda baduzu eta enpresa instalatzaileak igorritako ziurtagiria badaukazu, gas naturalaren hornidura kontrata dezakezu enpresa merkaturatzaile batekin. Zuk aukeratutako enpresa merkaturatzailea arduratuko da gas naturalean altan emateko eskaera igortzeaz. Bi aukera daude kontratatzeko orduan:

Bi kontratazio-aukera daude:

• Hornidura merkaturatzaile batekin askatasun osoz adostutako prezioan eta baldintzetan kontratatzea. Merkatu askean, konpainiek zehazten dute energiaren prezioa eta kontsumitzaileak gehien interesatzen zaion tarifa aukeratzen du.
• Azken baliabideko tarifara batzea. Tarifa horretan, administrazioak zehazten du prezioa. Azken baliabideko tarifa aplikatu ahalko zaie 4 bar edo gutxiagoko presioa duten gasbideetara konektatuta dauden eta urtean 50.000 kWh-tik beherako kontsumoa duten kontsumitzaileei. Azken baliabideko bi tarifa daude, bezeroaren urteko kontsumoaren arabera:
  • TUR.1 urtean 5.000 kWh edo gutxiago kontsumitzen badira. Kontsumo-tarte hori gas naturala erabiltzen duen sukaldea eta/edo ur-berogailua dituen etxebizitza baten ohiko kontsumoa da.
  • TUR.2 urtean 15.000 kWh edo gehiago eta 50.000 kWh baino gutxiago kontsumitzen badira. Kontsumo-tarte hori gas natural bidezko berokuntza duen etxebizitza baten ohiko kontsumoa da.
  • TUR.3 urtean 15.000 kWh baino gehiago eta 50.000 kWh edo gutxiago kontsumitzen badira. Kontsumo-tarte hori gas natural bidezko berokuntza duen familia bakarreko etxebizitza baten edo negozio txikien ohiko kontsumoa da.

Hona hemen azken baliabideko hornidura bermatzera behartuta dauden enpresa merkaturatzaileak:

• 1. Comercializadora regulada, gas & power, S.A.
• 2. Baser comercializadora de referencia, S.A
• 3. Energía XXI comercializadora de referencia, S.L.
• 4. Curenergia comercialización de último recurso, S.A.U

Nahi baduzu, hornidura merkaturatzaile batekin askatasunez adostutako prezioan eta baldintzetan kontratatzea aukera dezakezu.

Gas naturalaren merkatuaren zenbait alderdi MLBNren webgunean kontsulta ditzakezu, Energia/Kontsumitzaileak/Gas naturala atalean; bestela, 91 432 96 00 telefono-zenbakira dei dezakezu.

Errazago aukera dezazun, MLBNk argitaratutako gas-merkaturatzaileen zerrenda osoa helarazten dizugu, bezeroarentzako arretarako telefonoak barne.